قرارات بصرية تفهمها، و٥ أسئلة بتطلع منها بموجز لموقعك.
دليل مجاني بالعربي
أمثلة، ملاحظات، وورقة شغل
إعداد أحمد رصاص
٦ صفحات / الإصدار ٢
أفكار لتصميم موقعك / دليل مجانيأفكار من تصوّر حبيبة / لموقعك إنت
كيف فكّرت بتصميم
موقع حبيبة؟
دليل مجاني / ٦ صفحات بالعربي
كيف فكّرت بتصميم موقع حبيبة؟
أمثلة من تصوّر حبيبة المستقل، مع ٥ أسئلة وموجز بتساعدك ترتّب فكرة موقعك. دليل مجاني من ٦ صفحات بالعربي.
نص قابل للنسخ، وروابط تواصل قابلة للضغط. بدون تسجيل.
شو رح تطلع منه؟
رسالة أوضح
حدّد شو بتقدّم ولمين، والخطوة اللي بدك الزائر يعملها.
عين على التفاصيل
اقرأ ترتيب العناصر، وراجع الخط والحركة وتجربة الموبايل.
موجز لمشروعك
جاوب ٥ أسئلة، واستعن بمثال معبّى وقالب قابل للنسخ.
المشروع المعروض تصوّر مستقل غير رسمي لحلويات حبيبة، بدون ادّعاء تكليف أو اعتماد من العلامة.
اقرأ الدليل
أفكار لتصميم موقعك / دليل مجانيكيف فكّرت بتصميم
أفكار لتصميم موقعك / دليل مجاني١ / وضّح الرسالة
ابدأ برسالة واضحة.
قبل الألوان والخطوط، اكتب شو بتقدّم، لمين، وشو بدك الزائر يعمل. جرّب تقرأ الجملة لحالها: بتفهم منها المشروع؟
مثالين لمخبز خيالي / للتوضيح
أهلًا فيكم
بمخبزنا.
الجودة والطعم الأصيل.
مخبوزات صباحية
لأهل الحيّ.
شوف أصناف اليوم، واطلب للاستلام من المخبز.
شو صار أوضح؟الصياغة الثانية بتسمّي المنتج والجمهور، وبتوضح ليش تضغط الزر. كمّلها بصورة حقيقية لمخبوزات اليوم.
اكتب جملتك
«بنقدّم [الخدمة] لـ[الجمهور]، وبنساعدهم بـ[فائدة واضحة].»
بعدها سمّي خطوة واحدة: يشوف الأصناف؟ يحجز موعد؟ يطلب عرض سعر؟حبيبة المعروض بالدليل تصوّر مستقل غير رسمي. ما بنقدّمه كمشروع مكلّف فيه أو معتمد من العلامة.
أفكار لتصميم موقعك / دليل مجاني٢ / اقرأ ترتيب العناصر
وين بتروح عينك أول؟
اقرأ العلاقة بين المنتج والمكان والشعار.
١ المنتج أولًا
كبّر أهم عنصر، وخفّف اللي بينافسه.
٢ المكان بضيف معنى
عمّان بتعطي سياق. اختار خلفية مرتبطة بمشروعك.
٣ الشعار إله مكانه
حجمه بالزاوية بترك مساحة للمنتج.
جرّب على موقعك: صغّر صورة الصفحة. لسه واضح شو أهم عنصر؟
أفكار لتصميم موقعك / دليل مجاني٣ / راجع التفاصيل
خلّي التفاصيل تخدمك.
المنتج ممكن يتغيّر، وطريقة العرض تضل واضحة. لاحظ المشهدين من نفس التجربة.
الخلفية وأسلوب التسميات متقاربين، والمنتج هو اللي بتغيّر. بموقعك، ثبّت شكل العناوين والأزرار بين الصفحات.
مثال تعليمي للقراءةأصناف اليوم
اختار اللي بناسبك، وشوف وقت الاستلام.
فرّق بوضوح بين العنوان والنص. خلي المسافة تجمع الجمل المرتبطة، وتفصل بين الأقسام.
٣ فحوصات قبل ما تعتمد التصميم
- الموبايلاقرأ النص واضغط الزر بدون تكبير.
- التحميلجرّب اتصال أبطأ. بتوصل للمعلومة الأساسية؟
- الحركةهل بتوضح المنتج؟ ومع حركة أقل، بتقدر تكمّل؟
الصور بتوضح الشكل. الأداء وسهولة الاستخدام بدهم فحص فعلي.
أفكار لتصميم موقعك / دليل مجاني٤ / ورقة شغلك
هسا دورك تجرّب.
اكتب بملاحظاتك أو بالمساحات الفاضية. الأمثلة لمخبز خيالي؛ إجابات مشروعك هي الأساس.
- شو الهدف الأساسي من موقعك؟مثال: استقبال طلبات للاستلام من المخبز.
إجابتك
- مين الناس اللي بدك توصلهم؟مثال: أهل الحيّ والموظفين القريبين.
إجابتك
- شو أول إحساس بدك الزائر يحسّه؟مثال: دفء مخبز الحارة.
إجابتك
- شو أهم ٣ معلومات لازم يعرفها؟مثال: أصناف اليوم، وقت الاستلام، ومكان المخبز.
إجابتك
- شو إضافة مفيدة بتخدم هالهدف؟مثال: قائمة يومية بتوضح الأصناف المتوفّرة.
إجابتك
هيك بصير مثال المخبز فكرة صفحة
بداية واضحة: صورة مخبوزات وعنوان بيسمّي المنتج.
معلومات بتساعد: أصناف اليوم، الاستلام، والمكان.
خطوة محدّدة: زر «اطلب للاستلام».
رتّب إجاباتك بنفس الطريقة، وحدّد الصور والنصوص اللي لسه ناقصتك. قالب نصّي وطلب عام لتنظيم الأفكار موجودين بحزمة التحميل.
أفكار لتصميم موقعك / دليل مجاني٥ / نشتغل على مشروعك
عندك فكرة؟
خلّينا نحكي عنها.
إذا بدك حدا يساعدك بتصميم وتنفيذ موقع لمشروعك، ابعتلي الموجز اللي جهّزته. منبلّش من هدفك والمواد الموجودة عندك.
أنا أحمد رصاص
بساعدك ترتّب محتوى موقعك، وبصمّم تجربة مناسبة لمشروعك وللناس اللي بدك توصلهم.
تصميم لمشروعكصفحات مبنية على رسالتك وصورك، بهوية بصرية مناسبة إلك.
استخدام واضحترتيب محتوى مناسب للموبايل، وتفاعل بنختاره حسب الحاجة.
هدف مفهومخطوة تواصل أو طلب واضحة، مع أساسيات الظهور بالبحث.
احكيلي شو مشروعك، وشو بدك موقعه يساعدك فيه.
احكيلي عن مشروعك واتساب برسالة جاهزة. ابعتها لما تكون جاهز تحكي.من الفكرة للموجز
خذ إجاباتك وبلّش منها
انسخ القالب وجاوب عن مشروعك. وإذا بدك مساعدة بترتيب المعلومات، استخدم الطلب العام تحته. المثال بالمادة تعليمي وخيالي.
قالب موجز موقعي
موجز فكرة موقعي
اسم المشروع:
شو بقدّم:
مين الناس اللي بدي أوصلهم:
الهدف الأساسي من الموقع:
أول إحساس بدي أوصله:
أهم ٣ معلومات لازم يعرفها الزائر:
١.
٢.
٣.
الإضافة المفيدة اللي بدي أجرّبها، والسبب:
أول جملة تظهر بالموقع:
الإجراء الأساسي اللي بدي الزائر يعمله:
المواد المتوفّرة عندي: صور / شعار / نصوص / غيرها:
شو لسه ناقصني:
فحص سريع:
هل أول جملة بتشرح شو بقدّم ولمين؟
هل المعلومات بتساعد الزائر يقرّر؟
هل الإجراء الأساسي واضح على الموبايل؟
هل الإضافة اللي اقترحتها بتخدم الهدف؟
إعداد أحمد رصاص / rasas.co
طلب عام لترتيب فكرتك بمساعدة الذكاء الاصطناعي
ساعدني أرتّب فكرة موقع لمشروعي. رح أعطيك معلوماتي تحت. اسألني عن أي معلومة أساسية ناقصة، وبعد إجاباتي رتّبها بموجز من صفحة واحدة فيه: الجمهور، هدف الموقع، أول إحساس، أهم ٣ معلومات، ترتيب مقترح للأقسام، والإجراء الأساسي للزائر. اقترح إضافة إبداعية واحدة واشرح فائدتها. ميّز اقتراحاتك عن المعلومات اللي أعطيتك إياها. لا تخترع نتائج أو معلومات عن مشروعي، ولا تكتب كود أو خطوات تنفيذ.
معلومات مشروعي:
[الصق إجاباتك أو موجزك هون]
الدليل والموجز بمكان واحد
الحزمة فيها الدليل، قالب الموجز، والطلب العام لتنظيم أفكارك.
حمّل الحزمة كاملة ↓