RASAS / FREE AI PROMPT · STILL

إنت واقف،
والمدينة بتركض.

هاد البرومبت اللي عملت فيه صور STILL بعمّان. إنت بتطلع ثابت وواضح، والناس والسيارات حواليك بيصيروا خطوط. ارفع صورتك على ChatGPT، الصق البرومبت، واختار مشهد.

برومبت أساسي · 12 مشهد · بالعربي والإنجليزي · تحميل مباشر بدون إيميل
إعداد أحمد رصاص · الإصدار 1.0 · 21 تشرين الثاني 2026

أحمد رصاص واقف بوسط البلد والناس والسيارات حواليه خطوط، صورة معمولة بالذكاء الاصطناعيSTILL.

شو رح تطبّق بهالدليل؟

ارفع صورة إلك على ChatGPT، الصق البرومبت الأساسي، وتحته مشهد واحد من الاثنعشر. الأساس هو وصف كاميرا حقيقية بغالق بطيء: إنت ثابت وحاد، وكل إشي حواليك بيتحرّك.

Read the English page

01برومبت أساسي12مشهد جاهز للنسخ09صفحات PDF مجانية

01 / THE SHORT ANSWER

شو هاد
الستايل؟

اسمه بورتريه بغالق بطيء. المصوّر بيحط الكاميرا على ستاند وبيفتح الغالق ثلث ثانية تقريبًا. اللي واقف ثابت بيطلع حاد، واللي ماشي بيصير خطوط. الـ AI بيقدر يقلّده إذا وصفتله الكاميرا والحركة والألوان بالزبط.

✕ الطلب العام

اعملي صورة حلوة إلي بالشارع

✓ اللي بيعطي النتيجة

كاميرا على ستاند، عدسة 135mm، غالق 1/3 ثانية. أنا ثابت وحاد، والناس والسيارات خطوط.

02 / FOUR STEPS

أربع خطوات
وبتبلّش.

كل الشغل بمحادثة وحدة. إذا بدك أكثر من صورة بنفس اللوك، خلّيهم بنفس المحادثة.

  1. افتح ChatGPTمن الكمبيوتر أو الموبايل، بمحادثة جديدة.
  2. ارفع صورة إلكصورة أو صورتين، وجهك واضح ومقابل الكاميرا وبضو منيح.
  3. الصق البرومبت الأساسيكامل زي ما هو، بدون ما تشيل منه إشي.
  4. تحته مشهد واحداختار مشهد من الاثنعشر، وبدّل اللي بين [ ] بلبسك.

03 / THE BASE PROMPT

البرومبت الأساسي.
الصقه كامل.

هاد الجزء اللي بيعمل الستايل: الكاميرا، الغالق، مين ثابت ومين بيتحرّك، والألوان. ما تشيل منه إشي. بعده انزل سطر وحط مشهد من تحت.

البرومبت الأساسي · بالعربي01
استعمل الشخص اللي بالصورة المرفقة، وحافظ على ملامحه بالزبط: الوجه، العيون، الأنف، الشعر أو الصلعة، اللحية، الحواجب وشكل الجسم. لا تجمّله ولا تغيّر عمره. صورة عمودية بمقاس 2:3.

الستايل: بورتريه شارع بغالق بطيء، شكلها لقطة حقيقية من فيلم. مصوّرة من الطرف الثاني من الشارع والكاميرا على ستاند: Sony A7 IV، عدسة 135mm، سرعة غالق 1/3 ثانية، فتحة f/8.

الشخص واقف ثابت تمامًا وحاد جدًا. كل إشي حواليه بيتحرّك: الناس الماشيين بيصيروا خطوط ضبابية شفافة، والسيارات والباصات بيصيروا خطوط ضو طويلة بالعرض.

الألوان: رمادي بارد للمدينة، وخطوط ضو برتقالية دافية من أضواء السيارات والمحلات بتقطع الرمادي. حبيبات فيلم خفيفة، عيوب عدسة حقيقية، بدون HDR وبدون بشرة بلاستيكية.

التكوين: الشخص بيبيّن كامل جسمه أو ثلاث أرباعه، حوالي 45% من ارتفاع الصورة، بالنص ومعه مساحة حواليه. بدون أي كتابة مقروءة، بدون حروف على اليافطات، بدون لوجوهات أو علامات مائية.
نفس البرومبت بالإنجليزي · النسخة اللي اشتغلت عليها بالأصل02
Use the person in the attached photo and keep their exact identity: same face, eyes, nose, hair or shaved head, beard, brows and build. Do not beautify or age them. Vertical 2:3 image.

Style: photorealistic slow-shutter street portrait that looks like a real film still. Shot from across the street on a tripod, Sony A7 IV, 135mm lens, 1/3 second shutter, f/8. The person stands completely still and is tack sharp; everything else moves: pedestrians become ghostly translucent motion streaks, cars and buses drag into long horizontal light trails.

Moody cool grey city palette with warm orange taillight and shop-light streaks cutting through. Fine film grain, real lens imperfections, no HDR, no plastic skin.

Full body or 3/4 body, about 45% of frame height, centred, with room around them. No readable text, no letters on signs, no logos, no watermarks.

04 / TWELVE SCENES

12 مشهد.
اختار واحد.

كل مشهد معه الصورة اللي طلعت معي. اللي بين [ ] هو اللبس، بدّله بلبسك. آخر مشهد فاضي لمدينتك إنت.

  1. صورة STILL: وسط البلد، معمولة بالذكاء الاصطناعي
    وسط البلد · Downtown Amman01
    المشهد: شارع الملك فيصل بوسط البلد بعمّان وقت المغرب. بنايات حجر قديمة ومحلات منوّرة وراه، وباص أبيض وتكاسي صفرا ماشيين بسرعة قدّامه. اللبس: [كبوت صوف رمادي غامق طويل فوق كنزة سوداء رقبة عالية، بنطلون أسود وبوت جلد]. إيديه بجيابه، بيطّلع عالكاميرا مباشرة، هادي وجدّي.
  2. صورة STILL: بوليفارد العبدلي، معمولة بالذكاء الاصطناعي
    بوليفارد العبدلي · Abdali Boulevard02
    المشهد: بوليفارد العبدلي بعمّان وقت الغروب الأزرق. أبراج زجاج وواجهة محل منوّرة وراه بتعكس الضو، ومتسوّقين ماشيين من الجهتين بيصيروا خطوط. اللبس: [أوفرشيرت صوف كريمي، بنطلون كريمي واسع، سنيكرز أبيض]. إيديه بجيابه وجسمه مايل شوي، بيطّلع عالكاميرا. جزء من الصورة مصوّر من ورا الزجاج فبيبيّن انعكاس خفيف.
  3. صورة STILL: موقف باص، شارع زهران، معمولة بالذكاء الاصطناعي
    موقف باص، شارع زهران · Zahran Street bus stop03
    المشهد: موقف باص زجاج على شارع زهران بعمّان وقت المغرب. واقف جوّا الموقف بين أعمدته الحديد، ووراه باص برتقالي ماشي بسرعة بيصير خط برتقالي طويل، والناس اللي بستنّوا ضبابيين. اللبس: [أوفرشيرت زيتي، تيشيرت أبيض، بنطلون كريمي واسع]. إيديه بجيابه، بيطّلع عالكاميرا مباشرة.
  4. صورة STILL: شارع الرينبو، معمولة بالذكاء الاصطناعي
    شارع الرينبو · Rainbow Street04
    المشهد: شارع الرينبو بجبل عمّان بالليل، مصوّر من ورا شبّاك محل عالي، فخطوط الشبّاك الرفيعة وانعكاسات خفيفة بتقطع الصورة. الناس ماشيين وراه خطوط دافية، والسيارات بأضواها الحمرا ماشية قدّامه. اللبس: [كبوت أسود طويل والياقة مرفوعة، كنزة صوف سوداء]. واقف بالنص، بيطّلع عالكاميرا.
  5. صورة STILL: خط الباص السريع، معمولة بالذكاء الاصطناعي
    خط الباص السريع · Amman BRT platform05
    المشهد: صورة أبيض وأسود. رصيف الباص السريع بعمّان وقت المغرب، باص طويل بيمرق وراه بيصير خط ضبابي بالعرض، والركّاب على الرصيف أشباح. اللبس: [جاكيت يوتيلتي رمادي فاتح واسع، بنطلون رمادي، سنيكرز أبيض]. واقف على طرف الرصيف وجسمه مايل، إيديه بجيابه، بيطّلع عالكاميرا.
  6. صورة STILL: السوق القديم، معمولة بالذكاء الاصطناعي
    السوق القديم · The old souk06
    المشهد: صورة أبيض وأسود. تحت أقواس الحجر على مدخل السوق القديم بوسط البلد بالليل، والمتسوّقين بيمرقوا جنبه خطوط ناعمة، وكم لمبة معلّقة منوّرة. اللبس: [جاكيت جلد أسود فوق تيشيرت أبيض، جينز أسود]. بيطّلع عالكاميرا من فوق كتفه، وجسمه جانبي.
  7. صورة STILL: إشارة العبدلي، معمولة بالذكاء الاصطناعي
    إشارة العبدلي · Abdali crossing07
    المشهد: ممر مشاة مزدحم على تقاطع كبير بالعبدلي وقت المغرب. السيارات والتكاسي الصفرا بيمرقوا خطوط ضو برتقالية طويلة، والناس اللي بيقطعوا حواليه ضبابيين. اللبس: [ترنش كوت بيج مفتوح فوق تيشيرت أسود، بنطلون غامق]. واقف ثابت بنص الممر، بيطّلع عالكاميرا.
  8. صورة STILL: المدرّج الروماني، معمولة بالذكاء الاصطناعي
    المدرّج الروماني · Roman Theatre08
    المشهد: الساحة الهاشمية جنب المدرّج الروماني بوسط البلد بالليل. لمبات شارع دافية، والناس بيمرقوا جنبه خطوط غامقة. اللبس: [كبوت أسود، كنزة سوداء رقبة عالية]. وقفة ثلاث أرباع، بيلفت راسه عالكاميرا من فوق كتفه، تعبير جدّي. ظلال غامقة ولمعات برتقالية دافية.
  9. صورة STILL: اللويبدة، معمولة بالذكاء الاصطناعي
    اللويبدة · Jabal Al-Weibdeh09
    المشهد: مصوّر من جوّا كافيه بجبل اللويبدة من ورا شبّاكه الكبير وقت المغرب. هو واقف عالرصيف برّا، وانعكاسات الشبّاك وأضواء الكافيه الدافية فوقه، والمارّة بيصيروا خطوط. ألوان باهتة قريبة من الأبيض والأسود، وبس الأضواء الدافية ملوّنة. اللبس: [أوفرشيرت رمادي فاتح، تيشيرت أسود، بنطلون أسود]. بيطّلع عالكاميرا.
  10. صورة STILL: محطة الباص السريع بالليل، معمولة بالذكاء الاصطناعي
    محطة الباص السريع بالليل · BRT station at night10
    المشهد: محطة الباص السريع بعمّان بالليل، رصيف زجاج وحديد. واقف جنب لوح زجاج، والركّاب بيستعجلوا جنبه خطوط شفافة غامقة، وباص منوّر من جوّا بيمرق وراه. اللبس: [كله أسود: جاكيت، تيشيرت وبنطلون]. كامل الجسم، بيطّلع عالكاميرا. ألوان أزرق ورمادي بارد مع خط ضو برتقالي واحد.
  11. صورة STILL: جبل عمّان بالشتا، معمولة بالذكاء الاصطناعي
    جبل عمّان بالشتا · Jabal Amman in the rain11
    المشهد: صورة أبيض وأسود. شارع مزدحم بجبل عمّان بالليل، هوا وشتا، الشارع مبلول وبيعكس ضو السيارات، والسيارات خطوط ضو قوية وكم واحد ماشي أشباح. اللبس: [كبوت أسود طويل]، إيديه بجيابه. بيطّلع عالجنب مش عالكاميرا. حبيبات فيلم قوية وكونتراست عالي.
  12. مشهد من مدينتك · Your own city12
    المشهد: [اسم الشارع والمدينة] وقت [المغرب / الليل]. وراه [بنايات، محلات، معلم معروف]، وقدّامه [شو بيمرق: باص، تكاسي، ناس]. اللبس: [وصف لبسك]. [الوقفة: إيديه بجيابه / بيطّلع من فوق كتفه]، بيطّلع عالكاميرا.

05 / WHEN IT DOESN'T WORK

إذا ما زبطت
من أول مرة.

طبيعي تحتاج محاولتين أو ثلاث. هاي أكثر المشاكل اللي بتطلع، وشو تزيد بآخر الرسالة.

الوجه مش شبهك

ارفع صورتين أوضح بضو النهار، وابدأ الرسالة بـ: «انسخ ملامح الشخص بالصورة بالزبط، لا تجمّله».

الناس مش ضبابيين كفاية

زيد بآخر الرسالة: «سرعة الغالق ثانية كاملة، والناس خطوط قوية».

إنت كمان طلعت ضبابي

زيد: «الشخص ثابت تمامًا وحاد جدًا، بس الناس والسيارات بيتحرّكوا».

طلعت كتابة غلط على اليافطات

كرّر بآخر الرسالة: «بدون أي كتابة مقروءة وبدون حروف».

بدّك كل الصور بنفس اللوك

خلّيهم بنفس المحادثة، وابدأ كل صورة بـ: «صورة جديدة، نفس الشخص ونفس الستايل».

بدّك أبيض وأسود

ابدأ المشهد بـ: «صورة أبيض وأسود».

06 / INSIDE THE PDF

نفس البرومبت.
بملف بتحفظه.

9 صفحات: غلاف، شو هاد الستايل، البرومبت بالعربي والإنجليزي، الـ 12 مشهد بصورهم، طرق التصليح، وصفحة أخيرة للتواصل.

صفحة البرومبت الأساسي بالعربي
البرومبت الأساسي
صفحة المشاهد من 1 لـ 4
المشاهد مع صورهم
صفحة إذا ما زبطت من أول مرة
طرق التصليح

07 / TAKE IT WITH YOU

حمّل الملف.
وارجعله وقت ما بدك.

PDF من 9 صفحات فيه البرومبت والمشاهد كلها. وفي نسخة نص (Markdown) إذا بدك تحطها بملاحظاتك.

البرومبت كنص فقط (Markdown) ↓

مجاني وبتحمّله مباشرة. بدون إيميل أو دفع.

08 / QUESTIONS

أسئلة
بتنسأل كثير.

إذا عندك سؤال مش هون، ابعتلي على إنستغرام @rasasco.

بأي أداة عملت الصور؟

بتوليد الصور بـ ChatGPT. البرومبت بيشتغل كمان بأدوات ثانية بتقبل صورة مرجعية، بس النتيجة بتختلف من أداة لأداة.

لازم أرفع صورتي؟

إذا بدك الصورة تكون إلك، آه. بدون صورة رح تطلع شخصية من خيال الأداة.

البرومبت بالعربي ولا بالإنجليزي؟

البرومبت بالصفحة بالعربي، وتحته نسخة إنجليزي. جرّب الثنتين وشوف أي وحدة بتطلع أحسن معك.

إذا الصورة لبنت؟

البرومبت الأساسي بيحكي عن «الشخص» فبينفع للكل. بالمشهد بدّل «واقف» و«بيطّلع» لصيغة المؤنث، وبدّل اللبس.

الصور اللي بالبوست حقيقية؟

لا. كل الصور بالبوست وبهالصفحة معمولة بالذكاء الاصطناعي، من صوري أنا.

الملف مجاني؟

آه. ملف PDF من 9 صفحات، تحميل مباشر بدون إيميل وبدون دفع.

09 / BEYOND THE PROMPT

البرومبت بيعطيك صورة.
الموقع بدّه أكثر.

تصميم، صور، سرعة عالموبايل، وزر واضح بيخلّي الزائر يحكي معك. إذا بدك بورتفوليو إلك أو موقع لشغلك، ابعتلي شو مشروعك وبعطيك عرض سعر.